Zyra e Informacionit e Këshillit Shtetëror të Kinës, publikoi të enjten një dokument të titulluar “Kontrolli i Armëve, Çarmatimi dhe Mospërhapja e Armëve në Epokën e Re të Kinës”.
Ky libër i bardhë tha se Kina luan një rolin konstruktiv në kontrollin ndërkombëtar të armëve, çarmatimin dhe mospërhapjen e armëve, si dhe ofron në mënyrë aktive nismat dhe zgjidhjet e saj
Kina ka qenë dhe do të jetë gjithmonë një ndërtuese e paqes në botë, një kontribuese në zhvillimet globale dhe një mbrojtëse e rendit ndërkombëtar, thuhet në libër.
Dokumenti i bardhë u publikua për të paraqitur në mënyrë gjithëpërfshirëse politikat dhe praktikat e Kinës mbi kontrollin e armëve, çarmatimin, mospërhapjen, si dhe qëndrimin e saj mbi qeverisjen e sigurisë në fusha në zhvillim si hapësira e jashtme, hapësira kibernetike dhe inteligjenca artificiale.
Gjithashtu ripohon angazhimin e Kinës për të ruajtur paqen dhe sigurinë botërore, si edhe për t’u bërë thirrje vendeve anembanë botës të punojnë së bashku për kontrollin ndërkombëtar të armëve.
Në këtë libër të bardhë theksohet se Kina është e përkushtuar për të mbështetur regjimin ndërkombëtar të kontrollit të armëve me Organizatën e Kombeve t; Bashkuara (OKB) në thelbin e tij. Ajo punon për ta promovuar qeverisjen globale në kontrollin e armëve, mbështet të gjitha përpjekjet për të ndërtuar një botë me paqe të qëndrueshme dhe siguri të përbashkët, si dhe shërben si një promovuese kryesore e kontrollit ndërkombëtar të armëve.
Gjithashtu, vë në dukje se, si anëtare e përhershme e Këshillit të Sigurimit të OKB-së, Kina ka mbrojtur në mënyrë aktive autoritetin dhe efektivitetin e regjimit ndërkombëtar të kontrollit të armëve, ka luajtur një rol konstruktiv në kontrollin e armëve shumëpalëshe në fushat bërthamore, biologjike, kimike dhe të tjera, si dhe ka kryer me ndërgjegje detyrat e saj të përcaktuara nga traktatet ndërkombëtare të kontrollit të armëve, duke dhënë kontribut të detyrueshëm në kontrollin ndërkombëtar të armëve.
Fushat në zhvillim si hapësira kozmike, hapësira kibernetike dhe inteligjenca artificiale, përfaqësojnë kufij të rinj për zhvillimin njerëzor. Ato krijojnë një fokus të ri të sigurisë strategjike dhe territoreve të reja të qeverisjes globale, theksoi dokumenti i bardhë.
