Shkup, 27 nëntor – “Këto janë rezultatet e punës së udhëheqjes së mëparshme të Lidhjes së Odave Ekonomike.” Ky është qëndrimi i udhëheqjes së re të LOE-së, pasi Komisioni për Mbrojtjen e Konkurrencës ka gjobitur katër markete me nga 50.000 euro, ndërsa Lidhjen e Odave Ekonomike me 18.500 euro, përcjell TV21. Nga LOE theksojnë se gjoba e shqiptuar lidhet me aktivitete e vitit 2025, kur, sipas tyre, udhëheqja e mëparshme “duke mos respektuar strukturat dhe duke shkelur statutin”, e kishte futur Lidhjen në veprime të caktuara.
Kreu i LOE-së, Goran Gjorgjievski, thotë se kjo është një nga arsyet pse udhëheqja e mëparshme është shkarkuar. Nga Lidhja theksojnë se do ta respektojnë vendimin dhe gjobën financiare, duke nënvizuar se vetëm tregu i lirë është parametri bazë sipas të cilit formohen çmimet.
