Shkup, 2 shkurt – Nuk duhet të anashkalohen kushtet e këqija dhe çnjerëzore në burgjet, veçanërisht në Idrizovë. Edhe pse të gjitha institucionet që mbrojnë të drejtat e njeriut në çdo raport shënojnë rezultate shkatërruese, nuk ka përmirësim të kushteve në burgje. Personat e dënuar nuk kanë qasje adekuate në kujdesin shëndetësor, as kushte adekuate materiale të jetesës, kurse programet e risocializimit, kushtet për zbatimin e tyre dhe ndihma pas dënimit janë ende të pamjaftueshme dhe të pazbatueshme, thekson Komiteti i Helsinkit për të Drejtat e Njeriut.
Janë të arsyeshme reagimet e të dënuarve nga reparti i mbyllur në Idrizovë. Një ekip i Komitetit të Helsinkit tashmë ka biseduar me ta dhe i ka parë vetë problemet, nuk kishte ujë të nxehtë, nuk kishte higjienë, dhe të dënuarit gjithashtu konfirmuan se po merrnin ushqim të skaduar dhe se i kishin torturuar.
Mbipopullimi në të gjitha burgjet është një problem alarmant për të cilin shteti duhet të gjejë urgjentisht një zgjidhje, kërkojnë nga komisioni. Sipas tyre, burgu i Shtipit për momentin ishte në gjendje më të mirë, ndërsa pas Idrizovës gjendja më e rëndë ishte në burgun e Kumanovës.
Maqedonia është aktualisht i vetmi vend në rajon që nga viti i kaluar ka shpallur gjendje krize në burgun më të madh të Idrizovës për të garantuar sigurinë, për shkak të mungesës së rojeve.
