Shkup, 5 shkurt – Kryetari i LSDM-së, Dimitar Kovaçevski deklaroi se brengosë informata për plumb të gjetur në oborrin e liderit të Aleancës për shqiptarët, Arben Taravari dhe theksoi se nëse është e saktë, MPB duhet të intervenojë edhe për këtë rast, njejtë siç intervenoi dje lidhur me sulmin ndaj drejtorit të institucionit qeveritar.
“Gjithsesi se më shqetëson kjo. U informova se MPB tashmë ka intervenuar në pjesën e rrahjses e cila ndodhi dje në Tetovë, ku u sulmua drejtori i një isntitucioni qeveritar nga ana e një personi i cili është identifikuar me emër dhe mbiemër. Konsideroj se MPB atë duhet ta bëjë. Dhe nëse edhe kjo informatë, të cilën tani e ndatë, është e saktë, atëherë duhet në mënyrë të njejtë rigoroze të intervenohet”, tha Kovaçevski gjatë vizitës së tij në kopshtin “Prolet”, në përjgigje të pyetjes së gazetarëve.
Në pyetjen e gazetarëve nëse pas turbulencave në Aleancën për shqiptarët fundjavën që shkoi, konsideron se kjo parti është më afër apo më larg Frontit evropian, Kovaçveski u përjgigj se secila parti politike vendosë në suaza të organeve të veta për atë se si do të paraqitet në hapësirën politike. Siç tha, i mbetet Aleancës për shqiptarët të vendosë nëse do të jetë për BE-në apo për “alternativa të padefinuara”.
Ai sqaroi se nuk mund të japë mendim personal për colën do parti politike, sepse bëhet fjalë për vendime të tyre personale.
I pyetur se deri ku është procedura për zgjedhje të kandidatit presidencial, ai tha se është në rrjedhë, përkatësisht ka përfunduar propozimi në organizatat lokale, ndërsa tani, siç tha, organizatat komunale duhet ta thonë fjalën e tyre.
“Procedura për zgjedhje të kandidatit presidencial është diku nga mesi, duke pasur parasysh kronologjinë edhe të procedurës e cila po zhvillohet. Përfundon propozimi në organizatat lokale, Tani organizatat komunale do ta thonë fjalën e tyre dhe më pas i tërë dokumentacioni lidhur me kandidatët për president dhe të kandidatëve për deputetë vijnë në Këshillin qendror ku gjithashtu ekziston procedurë e Këshillit ekzekutiv, kryesisë, Këshillit qendror të cilët e caktojnë kongresin dhe kërkohet kandidati edhe për president në njërin kongres, edhe për deputetë në listat e deputetëve në kongresin e dytë, i cili gjithashtu është caktuar”, tha Kovaçevski.
