Shkup, 15 korrik – Krerët e koalicionit VLEN morën pjesë sot në ceremoninë e organizuar nga Ambasada e Republikës së Turqisë në Shkup, me rastin e 15 Korrikut – “Dita e Demokracisë dhe Unitetit Kombëtar”, përcjell Zhurnal.mk.
Kjo ditë përkujton përkushtimin dhe sakrificën e popullit turk në mbrojtje të rendit kushtetues dhe vlerave demokratike, duke përçuar mesazhin e unitetit dhe qëndresës ndaj çdo cënimi të demokracisë.
Përfaqësuesit e VLEN-it vlerësuan marrëdhëniet e qëndrueshme dhe të konsoliduara ndërmjet Maqedonisë së Veriut dhe Turqisë, të cilat janë ndërtuar mbi respekt të ndërsjellë, bashkëpunim strategjik dhe lidhje historike të thella.
“Ruajtja e paqes, stabilitetit dhe demokracisë mbetet vlerë e përbashkët që na bashkon në mënyrë të vazhdueshme,” u theksua gjatë ceremonisë, ku ishin të pranishëm edhe përfaqësues të institucioneve shtetërore, trupit diplomatik dhe komunitetit turk në vend.
