Kumanovë, 4 shkurt – Njësiti territorial i zjarrfikësve në Kumanovë po punon në kushte të vështira me automjete për shuarjen e zjarrit të vjetra mesatarisht edhe deri 40 vjet.
Një nga automjetet daton që nga viti 1978. Ndryshe ky njësit numëron me mbi 10 automjete për shuarjen e zjarrit nga të cilat një numër i vogël janë të reja.
Njësiti i zjarrfikësve në Kumanovë mbulon edhe Komunën e Likovës, kurse zjarrfikësit kumanovarë mjaft aktiv ishin gjatë sezonit veror e vjeshtor kur në sipërfaqe të hapura, në lokacione të ndryshme brenda ditës shpërthenin edhe nga mbi 5 zjarre.
“Siç dihet jemi mirë të ekipuar. Auto parku është i vjetër, me automjete të vjetra me nga 35 deri në 40 vjet. Vitin e kaluar filluam proektin, të cilin duhet ta përfundojmë sivjet dhe në kuadër të tij do të kemi 3 automjete për terren për shuarjen e zjarreve e zjarreve në pyje. Mendoj se këto në masë të madhe do të na e lehtësojnë punën. Por shpresojmë se gjatë këtij viti do të furnizohemi edhe me paisje tjera, siç për shuarjen e zjarrit në ambient të hapur, zorrë për ujë, veshmbathje mbrojtëse për zjarrfikësit, pompa për uji.” – tha Komandanti i NJTZK – Dejan Ilievski.
Ilievski thotë se përpos vështirësive me funksionimin me automjete mesatarisht rreth 40 vjet të vjetra, Njësiti i zjarrfikësve përballet edhe objekt të vjetër të ndërtuar në vitet e 60-ta.
“Po, objekti i Njësitit territorial të zjarrfikësve në Kumanovë daton që nga fillimi i viteve të 60-ta, dhe siç mund të shifni është në gjendje që është, nuk mund të ndërmarrim asgjë, mirëpo shpresojmë që përmes një proekti të fillojmë të rikonstruojmë të njëjtin si nga brenda ashtu edhe nga jashtë” – u shpreh Komandanti i NJTZK – Dejan Ilievski.
Ndryshe siç na njoftoi komandanti i Njësitit të zjarrfikësve, përmes një proekti të Rajonit planor verilindor janë duke ndërruar dyert e objektit, gjithashtu pritet të sigurohen dy automjete të reja për teren.
Ndërkaq në mungesë të mjeteve financiare në këtë njësit janë punësuar vetëm 46 zjarrfikës. (TVM2)
