Lautaro Martinez do të luajë për Interin në ndeshjen e dytë gjysmëfinale të Ligës së Kampionëve kundër Barcelonës.
Sulmuesi argjentinas fillimisht pritej të humbiste ndeshjen për shkak të një dëmtimi, por ai është rikuperuar shpejt.
Sipas Mundo Deportivo, Lautaro është lejuar të luajë sonte në San Siro. Ai u rikthye në stërvitje më herët se sa pritej, duke përfunduar stërvitjet e gjuajtjes dhe sprintit pa asnjë shenjë shqetësimi.
Gjatë një seance stërvitore, Lautaro u pa duke punuar përkrah Marcus Thuram në sulm.
Kjo ka çuar në spekulime se dyshja mund të shkaktojë probleme për mbrojtjen e Barcelonës.
Interi do të jetë pa mbrojtësin Benjamin Pavard, i cili është jashtë fushave për shkak të një dëmtimi në kyçin e këmbës.
Trajneri Simone Inzaghi pritet të luajë me të njëjtin formacion si në ndeshjen e parë, me Yan Bisseck që do të vazhdojë në mbrojtje.
