Barcelona me sa duket ka dështuar të nënshkruajë me Nico Williams, pavarësisht se u përpoq ta transferonte lojtarin gjatë gjithë verës.
Katalunasit nuk mund të përballojnë klauzolën e lirimit të sulmuesit prej 58 milionë euro dhe nuk do të jenë në gjendje të regjistrojnë pagën e tij në La Liga edhe nëse klauzola paguhet.
Gazetari spanjoll Marcal Lorente ka kritikuar ashpër presidentin e klubit, Joan Laporta, për dështimin e tij për të transferuar reprezentuesin spanjoll.
“Barça nuk e përjashton nënshkrimin e Nico Williams, është Nico Williams ai që përjashton Barçën sepse Laporta nuk i ka bërë detyrat e shtëpisë”.
“Pasi tha se ‘mund ta përballojmë këtë lloj nënshkrimi’ ai nuk mund të garantojë regjistrimin e tij 5 ditë para fillimit të ligës”.
“Nëse lojtari donte të vinte, nuk kishte nevojë të negocionte me Athletic Bilbaon, por vetëm të paguante klauzolën. Gjithçka varej nga Laporta dhe, edhe një herë, menaxhimi i tij ka dështuar. Çfarë marrëzie”, shkroi Llorente në Twitter.
Ndryshe, Barcelona ka transferuar Dani Olmon nga RB Leipzig për një shifër rreth 60 milionë euro.
