Thomas Partey pritet të largohet nga Arsenali këtë verë, teksa tri ekipe të mëdha evropiane po e monitorojnë situatën e tij në ‘Emirates’.
Sipas gazetarit Charles Watts, Partey po kërkohet nga Barcelona, Paris Saint-Germaini dhe Juventusi, të cilët janë të interesuar për të siguruar shërbimet e ganezit falas.
Kontrata e tij do të skadojë në verë ani pse ai vazhdon mbetet një lojtar kyç për ‘Topçinjtë’, pasi ka bërë 39 paraqitje në të gjitha garat.
Arsenali po bën plane për ta zëvendësuar 31-vjeçarin dhe ka shprehur interesim për Martin Zubimendin.
Ata gjithashtu janë lidhur edhe me të riun Sverre Nypan i cili aktivizohet tek Rosenborgu, por për të interesim ka gjithashtu edhe nga Manchester City.
Partey ka bërë 154 paraqitje për Arsenalin në total që prej transferimit të tij në Angli në vitin 2020.
Me kontratën e tij që po skadon, ka pritshmëri se ai mund të largohet dhe mund të negociojë me klubet e huaja qysh tani.
Arsenali në ndërkohë do të luajë sonte (e martë) ndaj PSV-së në Ligën e Kampionëve, ndërsa në vikend do të përballet me Manchester United në Ligën Premier.
