Shkup, 20 shkurt – Zv/kryeministri Izet Mexhiti, ka njoftuar se dje ka marrë pjesë në ceremoninë e ndarjes së 175 bursave nga Albiz.
Sipas tij, arsimi cilësor është themeli i një shoqërie të zhvilluar dhe investimi më i çmuar për të ardhmen tonë.
“Dje pata nderin dhe kënaqësinë të marr pjesë në ceremoninë e ndarjes së 175 bursave nga Fondacioni Albiz, një shembull frymëzues i përkushtimit ndaj dijes dhe të rinjve tanë. Ky fondacion po investon në ëndrrat, shpresat dhe talentin që do të ndërtojnë të ardhmen tonë të përbashkët.
Të dashur studentë, ju jeni shpresa dhe energjia që udhëheq rrugën drejt një të ardhme më të ndritur. Mos ndaloni së ëndërruari, punoni fort, dhe me besim ecni drejt suksesit që ju pret. Unë vazhdoj të mbetem i përkushtuar ndaj mbështetjes së arsimit dhe të rinisë, sepse e ardhmja e shkëlqyer e këtij vendi qëndron në duart tuaja!”, ka shkruar Mexhiti.
