Shkup, 22 qershor – Pres një mesazh të fortë nga Parlamenti Evropian për identitetin dhe gjuhën maqedonase. Këto ditë kam marrë informacione shqetësuese për një aktivitet të fortë të politikanëve të caktuar në Bruksel. Arritëm ta amortizojmë goditjen që dikush përsëri donte t’i shkaktonte identitetit dhe gjuhës maqedonase. Megjithatë, shumica dërrmuese atje qëndron pas argumenteve tona. Ne do të luftojmë kundër atyre që gjatë shtatë viteve të fundit e kanë grabitur dhe poshtëruar shtetin, porositi kryeministri Hristijan Mickoski.
Mickoski, i cili sot mori pjesë në lëshimin në përdorim të rrugës së rindërtuar rajonale Ponov Most-Bogdanci, duke u përgjigjur në pyetjen e gazetarëve, theksoi se pasi mori informacion për një aktivitet të fortë nga politikanë të caktuar në Bruksel, kishte organizuar një aktivitet me ministrin e Punëve të Jashtme, gjatë të cilit ata arritën ta amortizojnë goditjen që dikush përsëri donte t’i shkaktonte identitetit dhe gjuhës maqedonase.
“Unë arrita të kontaktoj me të gjithë nga Brukseli dhe mendoj se arritëm që në një farë mënyre ta amortizojmë goditjen që dikush donte t’ia bënte përsëri identitetit dhe gjuhës maqedonase, duke e formuluar, duke e shpjeguar me një modern ose aktual, vetëm për të provuar të krijojë ndonjë komb të ri, dhe me këtë të minojë besueshmërinë e vetë BE-së. Fatkeqësisht, ka anëtarë të tillë në Parlamentin Evropian, por për fat të mirë për ne që shumica dërrmuese atje qëndrojnë pas argumenteve tona. Ne do të luftojmë kundër atyre që shtatë vitet e fundit e kanë grabitur dhe poshtëruar Maqedoninë”, tha Mickoski.
Ai nënvizoi se gjithmonë do të luftojnë për të thënë të vërtetën që qytetarët ndiejnë, në të gjitha takimet në Berlin, Bruksel, Londër apo Uashington.
“Ne po luftojmë për të thënë të vërtetën tonë për Maqedoninë, një të vërtetë që qytetarët e ndiejnë pavarësisht nëse është në Berlin, Bruksel, Londër apo Uashington. Pres një mesazh të fortë nga Parlamenti Evropian për identitetin maqedonas dhe gjuhën maqedonase”, tha Mickoski.
I pyetur për një koment në lidhje me tribunën e sotme të LSDM-së me titull “Maqedonia e poshtëruar – Një vit qeverisje”, Mickoski porositi se gjithçka mbi të cilën po punojnë këto ditë është pikërisht pagesa e të gjitha borxheve të trashëguara nga kjo parti.
Siç tha ai, që kur kanë ardhur në pushtet, kanë paguar pensione dhe paga që nuk ishin paguar dhe të paparashikuara nga LSDM-ja.
Ai theksoi se nuk do të ketë më pranim të gjithçkaje që na serviret në tryezë, nuk do të pranohen marrëveshjet dypalëshe dhe marrëveshje që dëmtojnë identitetin maqedonas.
