Shkup, 16 nëntor – Kryetari i Qeverisë së Republikës së Maqedonisë së Veriut, Hristijan Mickoski, sot do të marrë pjesë në vendosjen e gurthemelit për zgjerimin e SHFK “Aco Shopov” në lagjen Radishan në Komunën e Butelit.
Siç bëhet e ditur në kumtesën e shërbimit për informim të Qeverisë, zgjerimi do të zgjidhë problemin e mungesës së klasave. Objekti i ri do të shtrihet në rreth 400 m2 dhe do të ketë 4 klasa të reja.
“Projekti po realizohet në bashkëpunim dhe me mbështetje financiare nga Ministria e Arsimit dhe Shkencës. Realizimi i këtij projekti ka një vlerë prej 30,662,875 denarë pa TVSH ose 36,182,193 denarë me TVSH”, njoftoi shërbimi për informim i Qeverisë.
