Shkup, 21 janar – Ministria e Financave informon se sot në rrjetet sociale është shpërndarë një lajm i rremë ku transmetohet intervistë e rreme e ministres së Financave Gordana Dimitrieska Koçoska, për të cilën është përdorur logoja e televizionit Kanal 5.
“Bëhet fjalë për një përmbajtje të krijuar të pavërtetë e cila përmban informata të rreme, qëndrime të pasakta dhe fotografi të ndryshuara, ndërsa i referohet një lloj sistemi të ri për rimbursimin e taksave”, qëndron në kumtesën e Ministrisë së Financave.
Nga atje sqarojnë se bëhet fjalë për përmbajtje që nuk ishte nga Ministria e Financave dhe për të njejtën është ngritur kallëzim në Ministrinë e Punëve të Brendshme.
