Shkup, 22 korrik – Delegacioni nga Ministria e Mbrojtjes, i kryesuar nga ministri Vllado Misajllovski, sot dhe nesër do të qëndrojë në Turqi, ku për të 17-tën herë mbahet njëri prej panaireve më të mëdha për industri ushtarake, IDEF 25.
Ministri Misajllovski do të takohet me kolegun e tij, ministrin për mbrojtje kombëtare, Jashar Gjyler, me kryetarin e Agjencisë për industri mbrojtëse të Turqisë, Haluk Gjorgjun, ndërkaq priet edhe takim me persona të tjerë të lartë nga sektori mbrojtës.
Në panairin IDEF 25, në shoqërim të ministrit Misajllovski do të jetë edhe shefi i Shtatmadhprisë së Armatës, gjeneral-majori Sashko Llafçiski.
Në panair, delegacioni i vendit do të njoftohet me teknologjitë më të reja në fushën e industrisë ushtarake dhe do të realizojë kontakt me numër të madh të kompanive nga kjo fushë, që është jashtëzakonisht me rëndësi duke e pasur parasysh procesin e modernizimit dhe pajisjes së Armatës dhe përmbushjes së qëllimeve të aftësive të NATO-s.
