Me akuza e kundër-akuza është mbajtur sot mbledhja e Komisionit për Siguri, ku ka raportuar drejtori i Policisë së Kosovës, Gazmend Hoxha.
Një replikë e ashpër është zhvilluar ndërmjet deputetit të Aleancës për Ardhmërinë e Kosovës, Bekë Berisha, njëherësh kryetar i Komisionit dhe deputetes së Vetëvendosjes, Shqipe Selimi.
“Mos më pengo… jam tu fol unë…”, i tha Berisha deputetes Selimi.
“Ti duhesh me ma dhënë fjalën… përndryshe mbledhja e komisionit dështon…”, ia ktheu Selimi.
“E kuptoj që po don me dështu”, replikoi Berisha.
“Kryeje fjalën ti… edhe unë po e kërkoj”, tha ajo.
“A jam tu fol unë… mbylle pra”, iu kthye Berisha deputetes Selimi.
Ndryshe, deputetja Selimi më tej kritikoi kryetarin Berisha, duke thënë se po ndërhynë në punët e Policisë së Kosovës, gjersa tha se për shqetësimet e tij është dashur të mbajë konferencë për media e jo siç tha ajo të keqpërdorë Policinë në mbledhjen e Komisionit.
