Shkup 23 gusht Zhurnal.mk – Sot do të mbajë mot me diell dhe shumë i nxehtë, me vranësira të lehta deri mesatare. Gjatë pasdites, në disa zona pritet shtim i vranësirave, reshje të rrëmbyeshme shiu, bubullima dhe erë e përforcuar.
Lokalisht ekzistojnë kushte për mot të lig, të shoqëruar me erë të fuqishme dhe breshër.
Temperaturat minimale do të lëvizin nga 13 deri në 21 gradë Celsius, ndërsa maksimalet do të arrijnë nga 32 deri në 40 gradë.
Në Shkup do të mbajë mot me diell dhe i nxehtë, me vranësira të lehta deri mesatare. Pasdite, në disa pjesë të Luginës së Shkupit, priten reshje të shkurtra intensive dhe bubullima. Do të fryjë erë e dobët deri mesatare nga veriu.
Temperatura minimale në kryeqytet do të jetë rreth 20 gradë, ndërsa maksimalja do të arrijë deri në 37 gradë Celsius.
