Shkup, 07 Maj, Zhurnal.mk – Qeveria e Hristijan Mickoskit është e gatshme për dialog me autoritetet bullgare për t’i dhënë fund ngërçit dypalësh, por aktualisht nuk është e gatshme që të plotësoj kushtin për ndryshime kushtetuese për fillimin e bisedimeve për anëtarësim në BE, ka përsëritur sot qëndrimin Ministri i Jashtëm timço Mucunski, shkruan Zhurnal.mk.
Mucunski tha sot se Shkupi shpreson që qeveria e ardhshme në Bullgari do të ketë, siç tha ai, “vetëdije se perspektiva evropiane për vendin tonë është e rëndësishme për të gjithë rajonin.”
“Edhe nëse nuk ka një vetëdije të tillë dhe nuk zhvillohet një vetëdije e tillë, kjo nuk do të thotë se po shqyrtojmë ndonjë alternativë, por do të vazhdojmë në rrugën e reformave, do të vazhdojmë në rrugën e pajtueshmërisë me politikën e përbashkët të jashtme dhe të sigurisë dhe do të vazhdojmë të ndajmë ato vlera evropiane në të cilat besojnë shumica dërrmuese e qytetarëve tanë. Por nëse pyetja është nëse jemi të gatshëm për ndryshime kushtetuese në këtë kontekst dhe në këtë situatë: ne nuk jemi të gatshëm. Dhe le të mos ketë dilema rreth kësaj çështjeje,” tha ministri në një konferencë të përbashkët për shtyp me Sekretarin e Përgjithshëm të Këshillit të Evropës (KiE) Alain Berset.
Kryeministrit Hristijan Mickoski refuson që të japin votat në kuvend për të plotësuar kushtin e korrikut të vitit 2022 për të ndryshuar kushtetutën e vendit e futur bashkësinë bullgare në të.
Mickoski refuzon që të bëjë ndryshime kushtetuse përderisa Bullgaria dhe BE nuk plotësojnë dy kundër-kushtet e tij.
Ai kërkon që Bullgaria të plotësojë kërkesat e tij për të drejtat e bashkësisë maqedonase në Bullgari, dhe së dyti që Bullgaria dhe vet BE të japin garancione zyrtare se Sofia nuk do të ketë kërkesa e kushtëzime shtesë për çështjet që kanë të bëjnë me identitetin dhe gjuhën maqedonase, të cilën Bullgaria refuzon që ta njohë si të tillë por e trajton si derivat të gjuhës bullgare. / Zhurnal.mk
