Shkup, 7 korrik, Zhurnal.mk – Ministri i Punëve të Jashtme dhe Tregtisë së Jashtme, Timço Mucunski, e përfundoi vizitën zyrtare në Katar me takime me përfaqësues të dy kompanive të rëndësishme – Qatar Airways dhe Barzan Holdings.
Në bisedimet me drejtuesit e Qatar Airways, një nga kompanitë ajrore më të mëdha në botë, u prezantuan mundësitë për investime në vend, si dhe potencialet për vendosjen e një linje të drejtpërdrejtë ajrore mes Shkupit dhe Dohas.
Sipas Ministrisë së Punëve të Jashtme dhe Tregtisë së Jashtme, bashkëbiseduesit vlerësuan se përmirësimi i lidhjes ajrore do të kontribuonte në zhvillimin e turizmit, rritjen e shkëmbimit tregtar, lehtësimin e kontakteve afariste dhe mobilitet më të madh të qytetarëve.
Në takimin me Barzan Holdings u diskutua për mundësitë e bashkëpunimit në industrinë e mbrojtjes dhe teknologjitë e sigurisë, si dhe për shkëmbimin e përvojave në zhvillimin dhe modernizimin e kapaciteteve mbrojtëse.
Vizita e Mucunskit në Katar është pjesë e aktiviteteve të orientuara drejt tërheqjes së investimeve të huaja, avancimit të eksportit dhe thellimit të bashkëpunimit ekonomik dhe tregtar mes dy vendeve.
