Shkup, 29 gusht – Drejtori i Qendrës për Menaxhim me Kriza, Muhamet Ali ka njoftuar se zjarret që përfshinë pjesë të fshatrave Merovë dhe Cerovë janë shuar plotësisht, përcjell TV21.
Në një deklaratë para mediave, ai përveç që ka falënderuar ekipet që ndihmuan në shuarjen e zjarrit, gjithashtu ka apeluar te qytetarët për më shumë kujdes.
“Shprehim mirënjohje të sinqertë për ekipet e zjarrfikësve të Tetovës për profesionalizmin, përkushtimin dhe ndërhyrjen e tyre të menjëhershme.
Apelojmë deri te të gjithë qytetarët për më shumë kujdes dhe sjellje të përgjegjshme, me qëllim ruajtjen e natyrës dhe sigurimin e një të ardhme të sigurt për fëmijët tanë”, tha Ali.
