Shkup, 7 maj – Ne nuk lëmë asnjë hapësirë për bashkëpunim me BDI-në asnjë elementi të Qeverisë dhe mbi asnjë bazë: formale, joformale, vetëm për zgjedhjet lokale. Kjo është vërejtja kryesore ndaj Taravarit dhe sjelljes së tij, tha sonte zëvendëskryeministri, ministri i Transportit dhe nënkryetari i VMRO-DPMNE-së, Aleksandar Nikolloski.
Nikolloski nuk beson se Taravari është aq naiv sa të kryejë vetëvrasje politike dhe të përfundojë në krahët e BDI-së.
Ai si mysafirë në televizionin Sitel, konfirmoi se kryeministri Hristijan Mickoski ka pasur takime me partnerët qeveritarë në periudhën e kaluar. Gjithashtu vlerësoi se do të ishte mirë edhe për funksionimin e Qeverisë dhe për jetën politike në Maqedoni, veçanërisht për shqiptarët etnikë, të qetësohet situata rreth largimit të supozuar të Taravarit.
Sipas zëvendëskryeministrit, ministrit dhe nënkryetarit të VMRO-DPMNE-së, Qeveria është e qëndrueshme, VMRO-DPMNE së bashku me ZNAM-in kanë 66-67 deputetë, që është, tha, një numër shumë i rehatshëm.
“Është e vërtetë që ka pasur takime në periudhën e kaluar me partnerë nga Qeveria. Isha edhe unë i pranishëm në disa prej tyre. Ne biseduam, komunikuam. Kryeministri ka një vizion shumë të qartë se ku dëshiron të shkojë vendi, por ajo që është kryesore në vizionin e tij është një nga tre premtimet më të rëndësishme zgjedhore, se duhet të kemi një betejë të fortë me krimin e organizuar dhe korrupsionin, i cili u mishërua më së shumti në BDI. Ne premtuam se BDI do të ishte dhe është në opozitë. Prandaj, nuk lëmë asnjë hapësirë për bashkëpunim me BDI-në për asnjë element të Qeverisë në asnjë formë: formale, joformale, vetëm për zgjedhjet lokale, dhe ja ku qëndron vërejtja kryesor ndaj Taravarit dhe sjelljes së tij. E kam thënë tashmë se me gjithë përvojën që ka Taravari, nuk besoj se është aq naiv sa të kryejë vetëvrasje politike dhe të përfundojë në krahët e BDI-së. Shpresoj se nuk do të më demantojë”, theksoi Nikolloski.
Për të, është shumë spekulative që Aleanca e Shqiptarëve e Selës të hyjë në Qeveri.
-Kjo është gjithashtu pjesë e shoqërisë së BDI-së, parimet janë të njëjta, në politikë kurrë nuk prehet deri në fund, por nëse do të më duhej të përgjigjesha sot, do të thoja se është më shumë spekulative sesa relative”, theksoi Nikoloski.
Lidhur me zgjedhjet lokale, paralajmëroi se në gjysmën e dytë të verës do të kristalizohen kandidatët për kryetar komune të Shkupit, ndërsa kandidatët për komunat e tjera në fund të majit dhe fillim të qershorit. Partia ende nuk ka marrë ndonjë vendim për mandat të dytë, por në disa komuna rë mëdha ku kryetarët e komunave kanë performanca të shkëlqyera, atyre do t’u jepet mundësia të kandidojnë përsëri.
Qëndrimi i Nikollovskit është se qytetarët nuk e lidhin VMRO-DPMNE-në me Danella Arsovskën.
“Vendimi në zgjedhjet e mëparshme lokale i solli fitore Shkupit, por sot është e qartë se VMRO-DPMNE ishte bartësi kryesor i fitores. Partia kishte një strategji të qartë, dhe ende e ka një të tillë. Fatkeqësisht, Danela dështoi dhe ky është një fakt. Absolutisht ndiejmë shqetësim, por njerëzit bëjnë një dallim të qartë, nuk e lidhin me VMRO-DPMNE-në, tha Nikolloski.
