Fillimi i javës së ardhshme në Kosovë pritet të karakterizohet nga mot kryesisht të lagësht, me reshje shiu dhe shkarkime rrufesh.
Instituti Hidrometeorologjik i Kosovës ka njoftuar se nga dita e mërkurë parashikohet një stabilizim gradual i kushteve meteorologjike, me kthjellime dhe përmirësim të motit.
E hënë– Moti do të jetë i vranët dhe me riga lokale shiu. Reshjet e shiut parashihen të shoqërohen me shkarkime rrufesh. Temperaturat minimale pritet të jenë nga 14 deri 18 gradë celcius ndërsa temperaturat maksimale 20 deri në 24°C. Sipas IHMK-së, era do të jetë e lehtë dhe lokalisht e forte nga drejtimi i veriperendimit.
E martë – Moti me diell dhe vranësira të shpërndara. Vranësirat gjatë ditës parashihen të dendësohen dhe si rezultat priten riga shiu nëpër disa zona, kryesisht në juglindje të vendit. Temperaturat minimale nga 12 deri 17°C. Temperaturat maksimale nga 21 deri 25°C ndërsa era nga veriperëndimi, 1–5 m/s.
E mërkurë – Moti me diell dhe vranësira të shpërndara. Temperaturat minimale parashihet të jenë nga 13 deri 16°C ndërsa temperaturat maksimale nga 24 deri 27 gradë celcius. Kurse era do të fryj kryesisht nga verilindja, 1–4 m/s.
E enjte – Moti me diell dhe vranësira të pakta. Temperaturat minimale nga 13 deri 16 gradë celcius ndërsa temperaturat maksimale 25 deri 29 gradë celcius. Kurse pritet era nga verilindja, 1–3 m/s
E premte – Moti do të jetë kryesisht me diell. Vranësira të pakta parashihen për rreth relievit malor. Temperaturat minimale do të jenë 10 deri 13 gradë celcius. Ndërsa temperaturat maksimale 27 deri 32 gradë celcius. Era e lehtë deri mesatare nga veriperëndimi.
