Shkup, 17 janar – Në Kuvend sot filloi vazhdimi i seancës së 30-të plenare. Pasi nënkryetari i Kuvendit, Antonio Milloshoski paralajmëroi se do të vazhdojnë punën për pikën Propozim ligji për ndryshimin dhe plotësimin e Ligjit për shërbime në procedurë të shkurtuar, me vërejtje procedurale kanë dalë deputetët e opozitës maqedonase lidhur me caktimin e seancave që siç theksuan, “caktohen në moment të fundit”. Ata thanë se në takimin e fundit koordinues të koordinatorëve të grupeve parlamentare me kryetarin e Kuvendit, Afrim Gashi është rënë dakord që të premten të mos ketë seancë në mënyrë që deputetët të kenë kontakt me qytetarët.
Koordinatori i LSDM-së Oliver Spasovski theksoi se nuk kërkon shumë nga opozita duke paralajmëruar se do të mbajnë seancë që siç tha ai “të mund të jenë të pranishëm edhe kolegët”.
“Të reagojë në lidhje me caktimin e seancës. Nuk mendoj se nuk duhet të vazhdojmë praktikën e caktimit të seancave si kjo. Në orën 10 marrim porosi se do të kemi seancë në orën 13:30. Deri më tani, të paktën kemi pasur komunikim korrekt dhe paraprakisht keni treguar se mund të ketë seancë që së paku ta dimë. Nuk mendoj se opozita kërkon shumë duke paralajmëruar se do të zhvillojmë seancë që të mund kolegët të jenë të pranishëm. Këtë e kemi diskutuar në koordinim, kemi dakorduar diçka, por shoh që efektet janë të dobëta”, ka thënë Spasovski.
Për këtë, Milloshoski theksoi se vërejtja është pranuar dhe paralajmëroi se herën tjetër do të mundohen të jenë më të saktë në këtë drejtim.
Deputeti i partisë E Majta, Sashko Jançev nga foltorja e Kuvendit theksoi se sipas Rregullores së Kuvendit, dita e premte është ditë kur deputetët mbajnë takime me qytetarët, duke shtuar se koordinatorët e grupeve parlamentare janë pajtuar që atë ditë të mos ketë seanca.
Nikolla Miceski, koordinator i VMRO-DPMNE-së, në një vërejtje procedurale theksoi se pajtohet me kritikat e deputetëve të opozitës se nuk duhet të caktohen seancat sot për sot. Ai thekson se dje ka pasur një njoftim se sot do të vazhdojnë me seancë për ata që kanë qenë të pranishëm në seancën e djeshme.
“Kuvendi është në seancë të përhershme dhe mblidhet kur është e nevojshme. Caktim të seancës kemi pasur dje ku ka pasur pyetje deputetësh nga opozita dhe njëzet pika të tjera që duhej shqyrtuar. Prioritet është puna e Kuvendit, miratimi i ligjeve. Takimet që koordinatori juaj ju ka treguar, nuk është e vërtetë se kemi rënë dakord. Kemi biseduar që të mblidhen të gjithë kryetarët e komisioneve së bashku me kryetarin e Kuvendit dhe të vendosim disa kushte, pra të biem dakord se si do të funksionojë Kuvendi. Kemi kohë të mjaftueshme nëse dëshironi të arrini në seancë”, ka thënë Miceski.
të vazhdojnë me punë pas kësaj seance dhe pas pauzës së kërkuar nga grupi parlamentar i partisë E Majta.
