Shkup, 2 shkurt – Rajoni i Shkupit me 44.9%,ka pasur pjesëmarrje më të madhe në Prodhimin e Brendshëm Bruto të Republikës së Maqedonisë së Veriut në vitin 2022, tregojnë të dhënat e Entit Shtetëror për Statistikë.
Rajoni i Pellagonisë në PBB të shtetit merr pjesë me 10,0%, rajoni Jugperëndimor me 8,8%, rajoni Juglindor me 8,7%, Lindor me 8,0%, i Pollogut me 7,5%, i Vardarit me 7,3%, ndërsa pjesëmarrje më të vogël ka rajoni Verilindor me 4,8%.
Rajoni i Shkupit ka edhe produktin e brendshëm bruto më të lartë për banor, 25.7% më i lartë se mesatarja e shtetit. Mbi mesataren shtetërore për 8.0% është vetëm rajoni Juglindor.
Të gjitha rajonet e tjera kanë prodhim të brendshëm bruto nën mesataren e Republikës së Maqedonisë së Veriut.
