Shkup, 7 maj – Pas takimit që pati në selinë e BDI-së me Ali Ahmetin, kryetari i ASh-së, Ziadin Sela nuk dha shumë detaje për qëndrimet e Frontit Evropian lidhur me zgjerimin e koalicionit dhe qëndrimet për zgjedhjet lokale.
Sela tha shkurt se në këtë takim është folur për koordinim dhe për proceset aktuale në vend.
Ai tha se “duhet të jemi vigjilent që të mos lejojmë vazhdimin e taktikizimeve të cilat do ta dobësojnë pozitën e shqiptarëve në vend”.
Më tej Sela është pyetur edhe për listat zgjedhore lokale të Frontit Europian.
“Është proces në sipër i cili diskutohet, por marrëveshje konkrete akoma nuk ka”, tha Sela.
Paraprakisht në lidhje me mundësinë që ish bashkpartiaku i tij Arben Taravari të bëhet pjesë e Frontit Evropian, Ziadin Sela u shpreh se janë të hapur për këdo që e ka kuptuar gabimin e tij dhe kërkon falje.
“Këto janë momente për të cilat nuk do të diskutohet sot, ndërsa “Fronti Evropian” është një organizëm i gjallë, i hapur, për të gjithë ato të cilët kërkojnë falje publike dhe kanë kuptuar gabimet që i kanë bërë, por pa u bërë gjëra të tilla, besoj se është e vështirë çfarëdolloj opsioni tjetër”, deklaroi Sela.
