Shkup, 7 maj – Në ditën e heshtjes zgjedhore bëhet zhurmë e madhe me përmbajtje për skandalin e papritshëm kur në orët e vona mbrëmë është arrestuar një hoxhë nën dyshimin për blerje votash. Çuditërisht hoxha në fjalë është krahu i djathtë i kreut të BFI-së, Shaqir Fetahu, dhe nga ky mega skandal kuptohet qartësisht që Fetahu po kontribuon në devalvimin e vlerës së profesionit të hoxhës dhe në tërësi vlerave që proklamon besimi islam. Çfarë i duhet BFI-së në krye një udhëheqës që kryen shërbime të tjera pothuajse gjithçka vetëm shërbim për BFI-në nuk kryen. Në fakt, dëmton, shkatërron dhe denigron në tërësi profesionin e veçantë atë të hoxhës. Me arrestimin e mikut të Fetahut për blerje votash përçohet mesazhi që askush më nuk po i dëgjon e beson hoxhallarëve prandaj i kanë nxjerr në terren si tregtar. Mes tjerash, në vend se të ligjërohet për rëndësinë dhe peshën e votës hoxha me shall në kokë bënë veprime skandaloze blen vota, shkruan Zhurnal.
“Nuk ka faj hoxha që ka blerë vota, mund të ketë qenë i detyruar nga Fetahu” –
Nëse roli i kreut të BFI-së është që të ruaj dhe promovojë vlerat e besimit islam si dhe të avancojë pozitën e predikuesve të këtij besimi, këtë rol nuk e ka ndërmend ta përmbush kreu aktual, Shaqir Fetahu.
Ministria e Punëve të Brendshme ka bërë të ditur se ka arrestuar dje dy persona në Çashkë, pasi dyshohen se kanë bërë blerje votash. Ndërsa tani më sipas informacioneve zyrtare, bëhet fjalë për imamin e Komunës së Çashkës Adem Choreskin dhe këshilltarin e BDI-së Ibrahim Ismailovski, të dy këto janë krahët e djathtë e Shaqir Fetahut, kreut të Bashkësisë Islame Fetare në Maqedoni, shkruan alfax.mk.
Shaqir Fetahu, nuk është hera parë që është akuzuar për përkrahje të BDI-së, tani më njerëzit e tij janë zënë në flagrancë duke blerë vota në njësinë zgjedhore numër 3, ku BDI pretendon të nxjerr një deputet, por për shkak të votuesve të pakët shqiptar, makineria e blerjes së votave është aktivizuar ndaj komuniteteve.
Kur kreu i BFI-së “pasurinë e njeh për Zot” ndodhin keqpërdorime të imamëve –
Predikuesit fetar në vend se të jenë shembuj edhe për qytetarët e besimeve tjera shndërrohen në vegla të Fetahut, mbase imami i Komunës së Çashkës që është kap në flagrancë dhe është nën dyshime se ka tentuar të vlejë vota mund të jetë edhe i kërcënuar nga Fetahu që ta kryejë këtë shërbim.
Por, mbi të gjitha dinjiteti personal e profesional duhet të jenë mbi të gjitha, këta po bëhen shembuj por shembuj më të këqij të mundshëm që mund të ekzistojnë. Ofendim dhe fyerje e rëndë është për të gjithë besimtarët e komunitetit islam që një predikues fetar dyshohet se është manipuluar nga kreu i BFI-së dhe aktivizohet në mënyrë direkte në zgjedhje dhe bënë veprim të jashtëligjshëm.
Qytetarët edhe institucionet njëherë e përgjithmonë duhet të ngrisin zërin kundër kreut të BFI-së, Shaqir Fetahu, i cili po e keqpërdor pozitën e tij dhe po e denigron misionin e të qenit shërbyes fetar. Pra, logjika e Shaqit Fetahut po shndërron shërbyesin fetar në shërbyes partiak. Kështu nuk bën, kështu nuk shkon. Kjo aventurë e Fetahut duhet të marr fund njëherë e përgjithmonë.
Mbase, Fetahu këto ditë po i shijon dhe po i përjeton mirë por përfundimi i tij do të jetë fat për të dhe rrethin e tij. Sepse, është një virus që infekton këdo me kë rri. Prandaj, kur virusi Corona që mori milion jetë njerëzish mori fund edhe ky virus që në emër të fesë keqpërdor pozitën e tij do të marr fund. /Zhurnal.mk
