Shkup, 14 korrik – Kryeministri Hristian Mickoski sot do të ketë takim me ministrin e Ekonomisë dhe Punës, Besar Durmishi, me të cilin do të bisedojnë se çka duhet të ndërmerret lidhur me çmimet apo kufizimin e marzheve. Në tkaim do të bëhet fjalë edhe për caktimin e mbledhjes së Këshillit ekonomik social (KES), duke pasur parasysh atë që, sipas informatave të tij, tashmë ka përfunduar konfirmimi i përfaqësimit të sindikatave.
“Nuk kam infomata se janë nga fundi masat për shportën apo kufizim të marzheve. Pas kësaj ngjarje kam takim me ministrin e Ekonomisë dhe Punës me të cilin do të bisedojmë për atë se çka duhet të ndërmarrim në periudhën që pason në mënyrë adekuate të analizave të cilat i bëjmë”, tha Mickoski duke u përjgigjur në pyetje të gazetarëve nëse janë nga fundi masat për shportën të llojit të vjeshtës apo asaj të Vitit të Ri, të cilat ishin miratuar më parë.
Lidhur me mbajtjen e mbledhjes së Këshillit ekonomik social kryeministri tha se ka njohuri se ka prëfunduar prëcaktimi i përfaqësimit të sindikatave dhe se nuk ka pengesa që një mbledhje e tillë të mbahet edhe përkundër asaj që është periudha e pushimeve vjetore.
“Sa i përket KES-it mendoj se Komisioni që duhet ta caktojë përfaqësimin e sindikatave e prëfundoi punën e vet. Nëse është ashtu sot, ndërkaq edhe për këtë do të flasim me ministrin, atëherë nuk shoh arsye që edhe përkundër asaj që janë pushimet, të mos mbajmë takim. Mendoj se deri në fund të muajit nëse ka përfunduar procedura të mabhet takimi i KES-it”, theksoi kryeministri në përgjigje të gazetarëve në ngjarjen në Drejtorinë e doganave “Një vit rezultate”.
