Shkup, 7 mars – Tetë subjekte juridike, përfshirë tre markete, një barnatore dhe tre importues të mëdhenj të pemëve dhe perimeve, janë mbyllur për 15 ditë për shkak të mos respektimit të masave të marzhit të qeverisë.
Siç njoftoi sot drejtori i Inspektoratit Shtetëror të Tregut, Vlatko Stojkoski, te këto persona juridikë kontrollet kanë përcaktuar marzhe deri në 70 për qind.
Sipas Stojkoskit, përveç çelësit të derës, ata do të gjobiten edhe me para.
“Po punohet për 30 raste të tjera që mbulojnë të gjitha marketet e mëdha. Inspektorët janë vazhdimisht në terren, ne bëjmë kontrolle në vazhdimësi dhe do të vazhdojmë të bëjmë, informoi drejtori në konferencë për shtyp.
Megjithatë, vlerësimi i tij i përgjithshëm është se masat e Qeverisë po respektohen.
Nga data 24 shkurt deri më 6 mars janë kryer 365 kontrolle në tregtinë me pakicë dhe 64 në tregtinë me shumicë, duke mbuluar mbi një mijë pika të shitjes me pakicë dhe shumicë. Janë konstatuar gjithsej 36 parregullsi dhe janë lëshuar urdhërpagesa për kundërvajtje prej 42.000 euro.
