Tifozët e Liverpoolit po bëjnë bujë në internet ndërsa klubi është shumë pranë nënshkrimit të yllit gjerman Florian Wirtz në një marrëveshje rekord prej 150 milionë eurosh.
Lojtari 22-vjeçar i Bayer Leverkusen, i kërkuar gjithashtu nga Manchester City dhe Bayern Munich, tani pritet t’i bashkohet Reds pas bisedimeve pozitive me Merseyside.
Raportimet nga Anglia pretendojnë se Wirtz e ka informuar tashmë Bayernin se planifikon të transferohet në Anfield, dhe pronarët e Liverpoolit, Fenway Sports Group, kanë miratuar tarifën e madhe.
Në shenjë festimi, fansat filluan të shpërndanin një klip të vitit 2018 të Donald Trump duke e quajtur shefin e FSG-së, John W. Henry, një ‘biznesmen të shkëlqyer’ gjatë një eventi në Shtëpinë e Bardhë.
Videoja, fillimisht nga një festë e Boston Red Sox, është bërë një meme midis mbështetësve të Liverpoolit që lavdërojnë ambicien e Henry-t në tregun e transferimeve.
