Në një telegram ngushëllimi, sindikata ka theksuar se humbja e Tevide Lipovicës është një dhimbje e madhe për të gjithë ata që e njohën, për familjen, kolegët dhe gjithë Policinë e Kosovës.
“Të nderuar familje Lipovica, kolegë dhe miq, me pikëllim të thellë morëm lajmin për ndarjen nga jeta të zyrtares policore Tevide Lipovica. Humbja e saj është e rëndë për familjen, kolegët dhe Policinë e Kosovës. Tevide Lipovica do të kujtohet për përkushtimin dhe sakrificën e saj në shërbim të sigurisë”, thuhet në telegramin e Sindikatës.
