Borussia Dortmund ka bërë një gjest shumë të bukur para ndeshjes finale të Ligës së Kampionëve kundër Real Madridit duke lejuar të gjithë punonjësit e klubit të udhëtojnë falas drejt Londrës.
Për klubin gjerman, të gjithë janë të rëndësishëm, jo vetëm ata në fushë, dhe për këtë, të 519 punonjësit do të kenë mundësinë të shikojnë klubin e tyre në ndeshjen më të rëndësishme në 11 vitet e fundit.
Të gjitha shpenzimet janë paguar dhe në këtë mënyrë Dortmundi kërkon që të gjithë të jenë pranë ekipit në natën më të rëndësishme të sezonit.
Kujtojmë se finalja e Ligës së Kampionëve mes Borussia Dortmundit dhe Realit është planifikuar të zhvillohet më 1 qershor në Wembley të Londrës.
