Shkup, 27 qershor – Me rastin e 22-vjetorit të themelimit të Policisë Financiare, u organizua një ceremoni solemne ku morën pjesë përfaqësues të institucioneve shtetërore dhe partnerëve ndërinstitucionalë. I pranishëm në këtë ngjarje ishte edhe Zëvendësdrejtori i Doganave, i cili shprehu respektin dhe vlerësimin e tij për punën e kësaj strukture të rëndësishme në sistemin e sigurisë ekonomike të vendit, përcjell zhurnal.mk.
Në fjalën e tij, Zëvendësdrejtori theksoi rëndësinë e bashkëpunimit ndërmjet institucioneve si faktor kyç në luftën kundër kontrabandës, evazionit fiskal dhe veprimtarive të tjera të paligjshme në fushën financiare.
“Bashkëpunimi ynë ndërinstitucional mbetet thelbësor për të garantuar një mjedis të ndershëm ekonomik, për të luftuar kontrabandën dhe evazionin fiskal, si dhe për të forcuar mekanizmat e kontrollit dhe transparencës,” u shpreh ai.
Policia Financiare, përmes veprimeve të saj gjatë dy dekadave të fundit, ka kontribuar ndjeshëm në ruajtjen e rendit ekonomik dhe në krijimin e një sistemi më të qëndrueshëm dhe të besueshëm për qytetarët dhe bizneset.
Ceremonia u mbyll me ndarjen e mirënjohjeve për punonjësit e dalluar dhe me zotimin për thellimin e bashkëpunimit në funksion të forcimit të luftës kundër krimit financiar.
