Shkup, 30 qershor – Maqedonia dhe Bullgaria do të kenë takim në nivel të ekspertëve në praninë e Komisionit Evropian për tunelin për lidhje hekurudhore në Korridorin 8 më 16 korrik në Bruksel. Ekziston marrëveshje parimore që tuneli të ndërtohet bashkërisht për çka do të kërkohej grant nga BE-ja si simbolikë për lidhje mes të dyja vendeve, njoftoi sonte zëvendëskryeministri dhe ministër i Transportit, Aleksandar Nikolloski.
Në TV Sitel ku ishte mysafir tha se takimi me homologun e tij bullgar Grozdan Karaxhov, i cili u zhvillua gjatë fundjavës në kuadër të Forumit të Ministrave të Transportit në Turqi, ishte i gjatë dhe përmbajtjesor dhe u arrit marrëveshje për tre pyetjet e parashtruara nga ana e Maqedonisë në lidhje me ndërtimin e hekurudhës në periudhën e mëparshme. Ai theksoi, siç njoftoi, se duhet të sqarohet se një problem thjesht i projektimit inxhinierik është shndërruar në një problem politik, dhe tha se kjo nuk duhet të lejohet të ndodhë në të ardhmen.
Treguam, nënvizoi Nikolloski, se ekziston problem inxhinierik, e jo politik me lidhjen hekurudhore, që solli në atë që Bullgaria t’i ndërmarrë detyrimet e saj për ndërtimin e hekurudhës nga Korridori 8.
Nga ndërtimi i tunelit, që duhet të fillohet prej diku, por edhe të përfundojë, theksoi Nikolloski, për fat të keq, pala bullgare, struktura të caktuara kryesisht nga qeveritë e kaluara, arritën, të bëjnë problem, që sipas tij është e palejueshme.
Në lidhje me pjesën thelbësore, tha Nikolloski, që nga fillimi thamë tri gjëra, së pari se lidhja me Bullgarinë duhet të jetë përmes tunelit, i cili duhet të ndërtohet bashkërisht, e dyta se Maqedonia duhet ta përfundojë pjesën e saj të punës, por edhe Bullgaria ta përfundojë pjesën e saj, dhe e treta ndoshta edhe më e rëndësishme ne duam që Shkupi të lidhet me Sofjen, ndërsa jo me Kriva Pallankën, ndërsa nga Sofja dhe me Burgasin dhe me Varnën, ndërsa që të ndodhë kjo Bullgaria, shtoi Nikolloski, duhet ta modernizojë hekurudhën e saj.
“Kemi marrë përgjigje për të tre pyetjet. Së pari, tashmë ekziston një marrëveshje që tuneli duhet të ndërtohet bashkërisht, për të cilën do të ketë një takim në Bruksel më 16 korrik midis ekspertëve nga Maqedonia, Bullgaria dhe Komisioni Evropian. Së dyti, do të nënshkruhet një dokument, si një deklaratë e përbashkët. Do të punojmë për ta zhvilluar atë sa më shpejt të jetë e mundur, me ekipe në nivelin më të lartë nga të dy qeveritë. Për më tepër, Bullgaria ka deklaruar qartë se do të investojë një miliard e 500 milionë euro në segmentin nga Sofja në Gjueshevë dhe Deve Bair, kufiri me Maqedoninë, që është një premtim i rëndësishëm dhe shumë i ndryshëm nga ai që ishte më parë”, tha Nikoloski.
Ai përkujtoi se kishte problem një periudhë të gjatë kohore që të mbahet takim me palën bullgare, ndërsa një nga arsyet, siç tha, është që në Bullgari shtatë herë kishte zgjedhje dhe për herë të parë ka qeveri më të qëndrueshme, dhe u gjet mënyra në kuadër të forumit të mbahet takim.
“Takimi ishte shumë i detajuar, për të konfirmuar kërkesën për një takim në nivelin më të lartë këtë javë, për të finalizuar tekstin që do ta nënshkruanim së bashku gjatë korrikut, për të shpallur një tender për seksionin nga Gjuesheva deri në kufirin me Maqedoninë gjatë korrikut, për t’i kthyer këto 550 milionë euro gjatë korrikut, për të pasur një takim në nivel ekspertësh më 16 korrik, për të rishikuar projektin nga ana jonë gjatë korrikut dhe gushtit, për seksionin që duhet ta ndërtojmë, dhe gjatë korrikut, gushtit dhe shtatorit, nëse të dyja vendet bien dakord, për të kërkuar një grant nga BE-ja për ndërtimin e tunelit si një tunel që lidh dy vende. Ideja është e jona, dhe sigurisht që u pranua edhe nga Bullgaria, është që ky të jetë një grant nga BE-ja për të lidhur të dy vendet”, tha Nikoloski.
Shtoi se gjithnjë është optimist i matur dhe se shpreson se fjala do të mbahet.
Nga hekurudha drejt Bullgarisë në fillim të vitit u lëshua seksioni i parë Kumanovë – Belakoc, investim prej 90 milionë eurosh. Punimet janë duke u zhvilluar në seksionin e dytë nga Beljakovca deri në Kriva Palankë, ndërsa vlera e parashikuar prej 150 milionë eurosh, sipas ministrit Nikoloski, do të rritet në 190 deri në 195 milionë euro. Seksioni i tretë nga Kriva Palanka deri në kufirin me Bullgarinë me tunelin, vetëm ndërtimi është 450 milionë euro, ndërsa edhe 110 milionë euro të tjera do të nevojiten për sinjalizim rrugor. Kjo, theksoi ai, është rreth 900 milionë euro që duhet të sigurohen nga tatimpaguesit e Maqedonisë dhe të Evropës, ndërsa këmbëngulja e Maqedonisë ka dhënë rezultate.
