Shkup, 10 korrik – Agjencia për Komunikime Elektornike (AKE) ka shpallur thirrje për parashtrim të kërkesës për ndarje të numrit 116 000, i cili është i rezervuar për sigurimin e e shërbimit qendër për thirrje për fëmijë të zhdukur. Do të ndahet numri nga diapazoni numerik 116 i dedikuar për shërbime me rëndësi sociale të harmonizuara në nivel evropian.
Shërbimi që duhet të vendoset do të pranojë thirrje për denoncimin e fëmijëve të zhdukur dhe do t’i dërgojë në polici. Do të ofrojë ndihmë dhe mbështetje për personat që janë përgjegjës për fëmijën e zhdukur dhe do të ndihmojë në hetim. Dhënësi i shërbimeve duhet të garantojë se shërbimi është i kapshëm në çdo kohë (gjegjësisht 24 orë në ditë, 7 ditë në javë, në nivel nacional).
Kërkesa për ndarjen e numrit në AKE është parashtruar nga Shoqata për aksion kundër dhunës dhe trafikimit të fëmijëve. Porta e hapur Shkup, ndërsa regullatori vepron konform me Udhëzimin për ndarjen dhe kushte për shfrytëzimin e Numrave nacionale për shërbime të harmonizuara në nivel evropian dhe për merita nga shoqëria dhe rëndësia nacionale në vend.
Është caktuar një afat prej 15 ditëve nga shpallja e Thirrjes publike për shprehjen e interesit të mundshëm publik për ndarje të numrit 116.000. Nëse në atë afat askush nuk shpreh interes shtesë për ndarje të numrit, AKE në afat prej 21 ditëve nga dita e pranimit të kërkesës së plotë do të marrë vendim.
Shërbim i harmonizuar nga rëndësia shoqërore është shërbim, që është me rëndësi thelbësore për banorët dhe vizitorët nga shtetet e huaja dhe përmbush nevoja specifike shoqërore, sidomos ata që i përkasin shëndetësisë dhe sigurisë së qytetarëve ose një grupi të caktuar qytetarësh ose u ndihmon qytetarëve në telashe.
Shërbime të tilla, në përputhje me rregulloren e harmonizuar në të gjithë Evropën, përveç qendrës së thirrjeve për fëmijët e zhdukur (“Hotline for missing children”), janë edhe qendra e thirrjeve për viktimat e krimit (“Viktimat e Krimit”), qendra e thirrjeve për ndihmë viktimave të dhunës ndaj grave (“Helpline for victims of violence against women”), qendra e thirrjeve për fëmijë (“Child Helpline”), qendra e thirrjeve për shërbime mjekësore (“Non-Emergency Medical Services”), qendra e thirrjeve për mbështetje emocionale (“Emotional support helpline”).
Në ueb faqen e MPB-së ka rreth 70 persona që rezultijnë të zhdukur, ndërsa janë publikuar rekomandime. Thuhet se npëse ndodnjë person zhduket, të kontaktohen të gjithë që mund ta dinë vendin e qëndrimit të personit të zhdukur, të bashëpunohet me policinë, të jepen të gjitha informacionet për miqtë dhe fmailjarët e personit të zhdukur, vendet që i viziton vazhdimisht, gjendja shëndetësore ose mënnra e sjelljes kohëve të fundit. Gjithashtu, për të ndarë mendimet karakteristike të personit të zhdukur, pikëpamjet e tyre mbi planet e ardhshme. “Mos ia fshihni informacionin policisë, jini të disponueshëm – Jepni një foto dhe lejoni policinë ta ndajë atë me publikun. Kontaktoni stacionin më të afërt të policisë, oficeri i pritjes së policisë ose inspektori i kërkimit do të marrë të gjithë informacionin e nevojshëm. Kujdesuni për njerëzit që kanë probleme shëndetësore dhe vuajnë nga sëmundje që i bëjnë ata të humbasin aftësinë e tyre për të mësuar, mos i lini të vetëm dhe të mbikëqyrur”, thuhet në rekomandime.
