Thibaut Courtois dha një vlerësim të pamëshirshëm për humbjen shkatërruese të Real Madridit ndaj Paris Saint-Germain në Kupën e Botës për Klube.
Real Madridi u mposht nga PSG, e cila fitoi me rezultat 4-0 në stadiumin MetLife në East Rutherford, New Jersey, të mërkurën mbrëma.
Fituesit e Ligës së Kampionëve të sezonit të kaluar dhanë një paraqitje të shkëlqyer në pjesën e parë, duke shënuar tre gola, ku dy u shënuan nga Fabian Ruiz.
Goncalo Ramos shënoi golin e katërt në minutën e 87-të për të përcaktuar finalen kundër Chelseat të dielën mbrëma.
Humbja e Realit ndaj PSG-së shënon fundin e edicionit të tyre në Kupën e Botës për Klube, pasi ata nuk do të përfshihen në një ndeshje eliminatore për vendin e tretë.
Duke folur pas humbjes së thellë të skuadrës së tij ndaj PSG-së, Courtois tha se ata nuk e ndoqën ‘planin’ e Alonsos dhe u ankua për gabimet e pjesës së parë.
“Duam t’u kërkojmë falje tifozëve”, ka thënë fillimisht Coutois për DAZN.
“Problemi? Nuk bëmë presion si ekip. Dy gabime të mëdha në fillim të ndeshjes na ndikuan”.
“Ne dështuam të ndiqnim planin e Xabit. Duhet ta analizojmë, por nga ajo që pashë, ne gjithmonë arrinim me vonesë”, përfundoi portieri belg.
