Shkup, 14 qershor – Për një vit me punë të palodhshme, vizion dhe qasje në menaxhim, po e kthejmë shtetin në këmbë, pjesë -pjesë, institucion pas institucioni, sistem pas sistemi. Qytetarët e njohin qasjen e re. Ata e dinë se nuk premtojmë mrekulli, se punojmë çdo ditë për të ndërtuar një sistem që nuk varet nga librezat partiake, por nga drejtësia, llogaridhënia dhe barazia, tha sot kryeministri Hristijan Mickoski në fjalimin e tij në aktivitetin “Një vit rezultate” në kuadër të Drejtorisë së doganave ku dha llogari për atë që është arritur gjatë vitit të kaluar.
Siç theksoi Mickoski, të dhënat flasin shumë.
“Të ardhurat e mbledhura janë mbi dy miliardë euro që është 105 milionë euro më shumë krahasuar me të njëjtin periudhë të vitit të kaluar. Kjo nuk është rastësi, është rezultat i punës parimore, i udhëheqjes së institucioneve pa kalkulime, i luftës kundër krimit dhe korrupsionit, si dhe i angazhimit të qartë politik – që paratë të shkojnë te qytetarët dhe jo në xhepat e dikujt. E dimë se çfarë do të thonë këto shifra që paraqiti drejtori i Drejtorisë së doganave – më shumë për pensione, paga, spitale, rrugë, shkolla… Ato para deri dje përfundonin në ekonominë gri, ndërsa sot kthehen te populli”, theksoi kryeministri.
Ai përmendi se gjithashtu në PTHP dhe Prokurorinë e krimeve të organizuara janë dorëzuar 181 padi penale, ku siç tha ai, është 4,5 herë më shumë se vitin e kaluar.
Ai mori gjithashtu një dekoratë nga Drejtoria e Doganave si shenjë mirënjohje për mbështetjen dhe angazhimin për bashkëpunim.
Në ngjarjen e titulluar më parë, rezultatet e punës i shpalli drejtori i Drejtorisë së doganave, Boban Nikollovski, ndërsa fjalim mbajti edhe ministrja e Financave, Gordana Dimitrieska-Koçoska.
