Shkup, 14 korrik – Bashkë me zëvendësministren e Sportit Safije Sadiki, kryetarin e Federatës së Futbollit të Maqedonisë Masar Omeragiç dhe kryetarin e Komunës së Çairit Visar Ganiu, bëmë prezantimin e projektit për rekonstruktimin dhe ndërtimin e fushës ndihmëse në kuadër të stadiumit të FC Shkupit.
Fusha ndihmëse do të ketë përmasa 80 metra gjatësi dhe 50 metra gjerësi, me koris mbrojtëse prej 3 metrash në të katër anët. Ky projekt do të realizohet sipas standardeve të FIFA-s, me bari artificial cilësor, sistem atmosferik për kullim që e bën funksionale edhe gjatë kushteve të motit me reshje, si dhe ndriçim të plotë për përdorim në orare të ndryshme gjatë ditës dhe mbrëmjes.
Ky investim është një hap konkret drejt përmirësimit të kushteve për stërvitje dhe zhvillim profesional. Të gjithë rinjtë e pasionuar pas futbollit, tani do të kenë më shumë hapësirë dhe mbështetje në rrugën e tyre drejt suksesit.
Urime!
