Tetovë, 26 qershor Zhurnal.mk – Një person nga fshati Tearcë është ndaluar nga policia, pasi dyshohet se ka shkaktuar zjarrin e rënë në një arë përgjatë rrugës rajonale Tetovë–Jazhincë, në territorin e këtij fshati.
Sipas njoftimit, më 25.06.2026 në ora 12:00, në Departamentin Policor të Tearcës është denoncuar se kishte shpërthyer zjarr, nga i cili është djegur bar i thatë. Flakët janë vënë plotësisht nën kontroll nga ekipi i Njësisë Territoriale Kundër Zjarrit në Tetovë.
Pas veprimeve të ndërmarra nga zyrtarët policorë, është përcaktuar se zjarri është shkaktuar nga G.C.(55) nga fshati Tearcë.
I njëjti është privuar nga liria, nën dyshimin se ka kryer veprën penale “shkaktim i rrezikut të përgjithshëm”. Ai është mbajtur në stacion policor, ndërsa pas dokumentimit të plotë të rastit ndaj tij do të parashtrohet kallëzimi përkatës.
