Shkup, 23 korrik, Zhurnal.mk – Zëvendëskryeministri i Parë, Bekim Sali, ka pritur sot në një takim zyrtar në Qeveri pjesëmarrësit e Festivalit Ndërkombëtar Folklorik “FOLK FEST SKOPJE 2026”, ku ishin të pranishëm përfaqësues dhe ansamble folklorike nga vende të ndryshme të botës.
Përmes një postimi, Sali shprehu kënaqësinë për mikpritjen dhe vlerësoi lart kontributin e artistëve në promovimin e kulturës, traditës dhe miqësisë mes popujve.
“Festivale si ky dëshmojnë se arti dhe kultura janë ura që na bashkojnë, forcojnë dialogun dhe promovojnë mirëkuptimin, bashkëjetesën dhe vlerat e përbashkëta,” deklaroi Zëvendëskryeministri Sali.
Ndër të tjera, ai falënderoi organizatorët dhe të gjithë pjesëmarrësit për përkushtimin e tyre, duke nëvizuar se ngjarje të tilla e shndërrojnë Shkupin në një qendër të rëndësishme të shkëmbimit kulturor ndërkombëtar.
