Strumicë, 3 tetor argument.mk/ – Në Komunën e Strumicës, përmes Minsitrisë së Transportit në rrjedhë është realizimi i projekteve infrastrukturore në vlerë prej mbi shtatë milionë eurove, theksoi zëvendëskryeministri dhe ministër i Transportit, Aleksandar Nikolloski në tkaimin me kryetarin e komunës, Petar Jankov, administratën komunale dhe deputetët Eli Panova dhe Zhan Dërvoshanov.
Siç kumtoi Ministria e Transportit, në takim është biseduar për planet zhvillimore të komunës dhe për projektet rrjedhëse dhe të ardhshme që realizohen me mbështetje qeverutare.
Nikolloski theksoi se Qeveria vazhdon me investime në infrastrukturën rrugore dhe komunale me qëllim të përmirësimit të kushteve për jetë të qytetarëve dhe nxitje të zhvillimit lokal ekonomik.
Mes projekteve që po realizohen në Strumicë është edhe ndërtimi i sistemit atmosferik të kanalizimit në lagjen Prosenikovo, investim në vlerë prej 46,6 milionë denarëve.
Në takim u bisedua edhe për përgatitjet për realizimin e rrugës së shpejtë Radovish – Strumicë – Novo Sellë, e cila duhet të sigurojë lidhje më të shpejtë me vendkalimin kufitar drejt Bullgarisë.
Nga Ministria e Transportit theksojnë se realizimi i këtyr projekteve është pjesë e aktiviteteve më të gjera për avancim të rrjetit infrastrukturor dhe zhvillimit të barabartë rajonal.
