Shkup, 07 tetor, argument.mk/ – Kryetari i Kuvendit të Maqedonisë së Veriut, Afrim Gashi, ka uruar Presidenten e zgjedhur të Republikës së Kosovës, akademiken Justina Shiroka Pulën, për zgjedhjen në këtë detyrë të lartë shtetërore.
Përmes një postimi ka vlerësuar se dita e sotme për Kosovën hap një kapitull të ri dhe shënon një moment të rëndësishëm institucional për konsolidimin dhe forcimin e institucioneve, stabilitetin dhe avancimin e perspektivës europiane të vendit, shkruan argument.mk/.
“Me përvojën e saj të gjatë akademike, institucionale dhe publike, besoj fuqishëm se Presidentja Shiroka Pula do të kontribuojë në forcimin e pozitës së shtetit në skenën ndërkombëtare, si dhe në kultivimin e unitetit, dialogut dhe bashkëpunimit në Kosovë”, ka shkruar Gashi.
Ai i ka uruar mandat të suksesshëm Presidentes së zgjedhur, duke shprehur bindjen se marrëdhëniet e mira vëllazërore dhe bashkëpunimi ndërmjet Republikës së Maqedonisë së Veriut dhe Republikës së Kosovës do të vazhdojnë të thellohen.argument.mk/
