Tiranë, 18 nëntor, argument.mk/ – Ditën e mërkurë vendi ynë do të jetë nën ndikimin e masave ajrore të paqëndrueshme, të cilat do të sjellin mot me vranësira dhe reshje shiu.
Sipas Shërbimit Meteorologjik Ushtarak, reshjet priten të jenë me intensitet të ulët deri mesatar. Hera-herës në veri të vendit reshjet priten të jenë në formën e shtrëngatave, shoqëruar me shkarkesa elektrike.
Era do të fryjë me drejtim kryesor nga kuadrati i jugut me shpejtësi 8 m/s, ndërsa përgjatë bregdetit deri 18 m/s.
Valëzimi në dete pritet të jetë i forcës 2-4 ballë.



