Shkup, 15 shkurt – Gjatë javës së gjashtë të vitit 2024, nga data 5 deri më 11 shkurt, në Republikën e Maqedonisë së Veriut janë raportuar 1.875 raste të raportimeve në grup për të sëmurë nga gripi – sëmundje të ngjashme me gripin. Kjo përfaqëson 13.4 për qind më shumë krahasuar me javën e kaluar. Numri i personave të raportuar këtë javë, krahasuar me javën e gjashtë të sezonit të kaluar, është rritur për 2.7 herë, tregojnë të dhënat nga raporti i fundit i Institutit për Shëndet Publik (ISHP).
“Gjatë javës së gjashtë raportuese, në laboratorin virologjik të ISH – RMV, kanë mbërritur 56 materiale nga mbikëqyrja rutinore për analiza laboratorike, të testuara paralelisht për gripin dhe KOVID-19 (SARS-CoV-2). Në këtë rast, janë zbuluar 12 raste pozitive të gripit: 11 influenza A(H1)pdm09 dhe 1 influenza A – pa nëntipe. Është regjistruar edhe një pacient me SARS-CoV-2”, thuhet në raport.
Sa i përket shpërndarjes së moshës, 1.139 persona janë të moshës prej 15-64 vjeç, 424 janë fëmijë të moshës prej 5-14 vjeç, 147 – fëmijë deri në katër vjeç dhe 165 persona mbi 65 vjeç. Incidenca më e lartë është regjistruar tek fëmijët e moshës 5-14 vjeç. Të sëmurët janë raportuar nga 29 QSHP/NJR, në Kavadar – 332, Shkup – 209, Manastir 180, Strumicë 179, ndërsa në pjesën tjetër numri i rasteve të raportuara është më i vogël ose i barabartë me 150, tregojnë të dhënat e ISHP.
Në pesë njësi raportuese që kanë raportuar raste gjatë kësaj jave, është regjistruar aktivitet shumë i ulët, në 11 sezonal, në 10 mesatar, në Resnjë – i lartë dhe në dy Kavadar dhe Kratovë, shumë i lartë i virusit të gripit
“Gjatë kësaj jave, është regjistruar një vdekje e lidhur me gripin. Bëhet fjalë për një person 65-vjeç nga Shkupi i cili është shtruar në UK të Pulmologjisë dhe Alergologjisë dhe KSIGJF. te personi i vdekur është konstatuar prania e sëmundjeve shoqëruese – kardiovaskulare, pulmonare, dhe nuk ka qenë i vaksinuar me vaksinën e gripit sezonal. Te personi i vdekur, është konfirmuar Influenza A – pa nëntipe”, sqarohet në raport.
Në sezonin 2023/2024, numri i përgjithshëm i rasteve me sëmundje të ngjashme me gripin është 10.537, krahasuar me të njëjtën periudhë të sezonit të kaluar, numri i rasteve të raportuara është rritur me 61.7 për qind, dhe krahasuar me modelin e 13 sezonet e fundit ka një rritje prej 0.4 për qind.
Në sezonin e deritanishëm të gripit, nga gripi kanë vdekur nëntë persona, katër nga Shkupi dhe nga një nga Kumanova, Negotina, Gostivari, Demir Hisari dhe Shtipi, pesë nga grupmosha 15-64 vjeç dhe katër nga grupmosha të personave mbi 65 vjeç, të gjithë të shtruar në spital, me sëmundje shoqëruese dhe të pa vaksinuar kundër gripit sezonal. te tetë persona është vërtetuar Influenca A(H1)pdm09, ndërsa te një person – Influenza A – pa nëntipe.
Nga vendet të cilat marrin pjesë, në javën e gjashtë u raportuan gjithsej 55 raste SARI (infeksione serioze akute të frymëmarrjes). Numri më i madh i rasteve me SARI raportohet nga KU për Sëmundje të Fëmijëve.
Vihet re një rritje e numrit të sëmundjeve të ngjashme me gripin, theksohet në raport, që është në kuadër të aktivitetit të ulët.
Deri në javën e gjashtë, në vend janë vaksinuar gjithsej 61. 694 persona me vaksinën kundër gripit pa pagesë ose komerciale.
