Shkup, 4 mars – Sipas të dhënave të fundit të përditësuara të KSHZ-së, për kandidaten presidenciale Gordana Siljanovska-Davkova kanë nënshkruar 28.029 qytetarë, ndërsa për kandidaturën e presidentit aktual Stevo Pendarovski kanë nënshkruar 21.852 persona, raportojnë mediumet.
Afati për mbledhjen e nënshkrimeve për kandidatin për President skadon më 8 mars në mesnatë. Por sot nuk vërehen turma, siç vëreheshin gjatë fundjavës.
Sipas informacioneve nga KSHZ, Siljanovska Davkova, Pendarovski, Dimitrievski dhe Osmani kanë tërhequr listat e nënshkrimeve në disa nga zyrat rajonale.
Dy ditët e fundit VMRO DPNE në Konventë dhe LSDM në Kongres konfirmuan kandidaturat e Siljanovska Davkovës dhe Pendarovskit. Të dy para delegatëve të partisë premtuan përparimin e vendit.
Deri tani janë konfirmuar shtatë kandidatë për president të vendit me nënshkrime të qytetarëve, ndërsa për katër të tjerë procedura vazhdon dhe përfundon më 8 mars në mesnatë.
Sipas gjitha gjasave, në garën presidenciale d të marin pjesë këta shtatë kandidatë: Gordana Siljanovska-Davkova, Stevo Pendarovski, Bujar Osmani, Arben Taravari, Maksim Dimitrievski, Biljana Vankovska dhe Stevço Jakimovski. Pretendentët tjerë kanë grumbulluar mes 1.000 dhe 1.500 nënshkrime dhe gjasat që të garojnë për president i kanë teorike./Zhurnal
