I burgosuri D.F. (35) nga Shkupi dje në Institucionin ndëshkues-përmirësues në Shkup ka thyer një xham, ka lënduar veten, pas së cilës i ka filluar gjakderdhja e madhe. Ai ka ndërruar jetë rrugës për në Kompleksin e klinikave “Nënë Tereza”.
Siç informon sot MPB-ja, rasti dje, në orën 12:35, është raportuar në SPB Shkup nga Institucioni ndëshkues-përmirësues Idrizovë. Ngjarja ka ndodhur rreth orës 12:00 në institucionin, në hapësirën për vizita.
Nga ana e mjekut është konstatuar vdekje, Kontroll është kryer nga ekipi inspektues i SPB Shkup dhe me urdhër të prokurorit publik trupi i pajetë i të ndjerit është dorëzuar për obduksion.
