Ohër, 1 tetor – Në organizim të Qendrës për mjekësi familjare pranë Fakultetit të mjekësisë në Shkup, në bashkëpunim me Komisionin për imunizim pranë Ministrisë së Shëndetësisë, sot në Ohër u mbajt takim profesional kushtuar imunizimit të të rejave me vaksinën nëntëvalentëshe HPV dhe përshkrimin e saj në kalendarin e rregullt vaksinues.
Në tubimin profesional, para pjesëmarrësve, mes të cilëve profesorë të mjekësisë, mjekë amë, mjekë të pediatrisë dhe gjinekologë u prezantua e tërë përmbajtja më e fundit dhe më e re në analizat dhe raportet nga imunizimi i populaltës së re në botë me vaksinëne cekur nëntëvalentëshe.
Siç theksoi prof. Katarina Stavriq, shefe e Katedrës për mjekësi familjare pranë Fakultetit të mjekësisë në Shkup, risia me imunizimin është se do të mund të përfshihen jo vetëm vajzat, por edhe djemtë nga mosha nëntëvjeçare dhe më të rritur.
“Kjo vaksinë, sipas rekomandimeve të Organizatës botërore të shëndetësisë u vendos që para 15 viteve. Qëllimi është e njejta të vendost sa më parë, para se fëmijët të kenë aktivitete seksuale, jo vetëm për shkak se merren dy doza por sepse pas marrjes së dozës së dytë nevojitet së paku një vit për t’u krijuar përgjigje solide imunologjike që do ta mbrojë adoleshentin nga infeksionet”, tha ajo.
Për takimin e sotëm u cek se i njejti mbahet mu për shkak të disa dilemave të caktuara që u paraqitën tek qytetarët pas kovid-imunizimit , me qëllim që profesionsitët dhe punonjësit shëndetësorë të ndahen informatat më të reja dhe ata, me dëshmi shkencore të mund të komunikojnë me prindërit e fëmijëve lidhur me imunizimin.
Stavriq theksoi se të gjitha studimet e kryera tregojnë
Irena Aleksioska – Papestiev, profesoreshë universitare në Fakultetin e mjekësisë në Shkup dhe drejtoreshë e Klinikës universitare për gjinekologji dhe obstetrikë, theksoi se nga aspekti kyç praktika tregon se ka numër gjithnjë e më të madh të pavientëve, përkatësisht vajzave, melezione invazive të mitrës, dhe kjo për fat të keq, tek mosha më e vogël.
Për sigurinë e vaksinës ajo theksoi se hulumtimet e kryera pas 253 milionë dozave të dhëna tek të rinjtë prej moshës 9 deri 26 vjeç, tregojnë numër gjithnjë e më të vogël të efekteve të padëshiruara, vetëm 56 raste me efekte të pakta në 100.00 doza.
Duke folur për aspektet pozitive të imunizimit me vaksinën nëntëvalentëshe HPV, Aleksioska – Papestiev theksoi se me rëndësi të madhe është vaksinimi të kryhet tek të rinjtë, madje edhe para se ata të kenë kontakte seksuale.
Siç u cek në takim, me imunizimin me vaksinën nëntëvalentëshe HPV prej vitit 2014 në botë janë përshirë 252 milionë të rinj. Vaksina është me neutralitet gjinor, përkatësisht mund ta marrin edhe vajzat edhe djemtë, mund të hyjnë në kalendarin për vaksinim dhe të njejtën ta marrin pa pagesë.
