Presidenti i Turqisë Recep Tayyip Erdogan zhvilloi dje një vizitë zyrtare në Tiranë, ku konfirmoi edhe një herë marrëdhëniet e mira dypalëshe midis Shqipërisë dhe Turqisë.
Vizita e Presidentit Erdogan në Tiranë nisi me ceremoninë zyrtare të pritjes nga Presidenti i Republikës, Bajram Begaj, me të cilin zhvilloi edhe një takim kokë më kokë.
Më pas Erdogan u prit në takim nga kryeministri Edi Rama, në ambientet e Kryeministrisë, me të cilin dha edhe një konferencë të përbashkët për shtyp.
Kryeministri Edi Rama ndau sot në rrjetet sociale një foto album me momentet me të vecanta nga nga pritja e Presidentit Erdogan.
Në kuadër të kësaj vizite u zhvillua po ashtu mbledhja e Këshillit të Bashkëpunimit të Nivelit të Lartë mes delegacioneve të dy vendeve ku u nënshkruan edhe tre marrëveshje.
Vizita e presidentit turk u përmbyll me inaugurimin e xhamisë së Namazgjasë në Tiranë, e konsideruar më e madhja në Ballkan dhe e realizuar si një dhuratë e popullit turk për besimtarët myslimanë në Shqipëri.
