Shkup, 18 tetor – Kryetarja e Gjykatës Supreme të Republikës së Maqedonisë së Veriut, Besa Ademi dhe ministri i Drejtësisë, Igor Fillkov, realizuan takim protokollar.
Në takim, siç bëri të ditur Gjykata Supreme, është diskutuar për shumë çështje nga sfera e gjyqësorit, me theks të veçantë në zbatimin e procesit të reformave, zbatimin e ligjeve dhe akteve nënligjore dhe nevojës për ndryshime të zgjidhjeve normative në përputhje me angazhimet për avancimin e sistemit gjyqësor.
Ademi ka theksuar se Gjykata Supreme e Republikës së Maqedonisë së Veriut në vazhdimësi ndërmerr aktivitete për avancimin e efikasitetit, transparencës, besimit publik, zbatimit të standardeve të Gjykatës Evropiane për të Drejtat e Njeriut dhe avancimin e praktikës gjyqësore.
Fillkovi i ka theksuar hapat e reformave të drejtuara në ndërtimin e sistemit gjyqësor transparent dhe efikas dhe aktivitetet të cilat ndërmerren në atë plan.
Në atë drejtim, në takim është theksuar rëndësia e bashkëpunimit të ndërsjellë në zbatimin e procesit të reformave në bazë të përcaktimeve strategjike të shtetit dhe parimeve të sundimit të drejtësisë.
