Shkup, 18 nëntor – Në RMV rreth 100 mijë pacientë vuajnë nga sëmundja pulmonare obstruktive kronike. Mjekët me apel për të rritur ndërgjegjësimin për këtë sëmundje, që shkaktar kryesor i saj është pirja e duhanit dhe zbulimi i hershëm rrit shanset për jetë më të gjatë dhe më cilësore.
Thonë se kjo sëmundje vështirëson frymëmarrjen dhe është një nga shkaktarët kryesorë të vdekjeve në botë.
“Arsyeja kryesore për këtë është pirja e duhanit. RMV-ja është mes tri vendeve të para në Evropë që e shfrytëzojnë duhanin dhe mendohet se 45 për qind e popullatës në vend pinë duhan. Fatkeqësisht edhe vet pacientët nuk e dinë se kanë sëmundjen pulmonare obstruktive kronike. Kjo sëmundje tregon simptomat e saj, por pacientët ose nuk i njohin këto simptome ose i injorojnë.”, – deklaroi drejtori i Institutit për sëmundjen e mushkërive, Dimitar Karkinski.
“Ekipe të mjekëve, infermierëve dhe studentëve sot kanë kryer vlerësim orientimi paraprak të funksionit të mushkërive me pulsometri dhe disa qytetarë morën rekomandim të paraqiten tek ne për spirometri që është metodë referimi për diagnostikimin për këtë sëmundje.”, – theksoi kryetarja e Shoqatës së Pneumoftiziologëve, Zorica Nanoviq.
Në botë nga sëmundja pulmonare obstruktive kronike janë prekur rreth 100 milionë pacientë.
