Në Peshkopi është finalizuar me sukses projekti pilot për instalimin e ndriçimit urban me eficiencë të lartë energjie.
Kryeministri Edi Rama ndau sot në rrjetet sociale pamje nga ky investim, që ul konsumin e energjisë elektrike dhe ofron infrastrukturë për stacionet e karikimit të makinave elektrike.
Po ashtu, Rama e konsideroi këtë investim si një mënyrë për nxitjen e elektrifikimit të transportit rrugor.
Në kuadër të programit për shfrytëzimin e energjisë së rinovueshme, qeveria ka iniciuar një sërë nismash që synojnë uljen e kostove të energjisë në institucione dhe hapësira publike.
