Presidenti i Koresë së Jugut, Yoon Suk Yeol, ku njoftuar se do të hiqte ligjin ushtarak.
Ai e mbrojti vendimin për të shpallur ligjin ushtarak, duke thënë se kishte vepruar për të “mbrojtur vendin nga forcat anti-shtetërore”, të cilat i akuzoi se po përpiqeshin të “paralizonin funksionet thelbësore të shtetit”.
Ai deklaroi se do të tërhiqte forcat ushtarake pas kërkesës së parlamentit për heqjen e ligjit ushtarak, shkruan skynews.
“Por, i kërkoj parlamentit të ndalojë menjëherë veprimet e pamatura që po paralizojnë funksionet e shtetit, si përsëritja e impeachment-it, manipulimi legjislativ dhe manipulimi i buxhetit”, tha ai.
Yoon është përfshirë në një seri polemikash dhe ka humbur popullaritetin në Korenë e Jugut.
Partitë opozitare po kërkojnë hetime ndaj Zonjës së Parë për dyshime mbi korrupsionin, ndërsa ka gjithashtu një ngërç politik mbi projektbuxhetin e vitit të ardhshëm.
